МАЛ ЭМНЭЛГИЙН МЭРГЭЖЛИЙН ЗӨВЛӨЛ ХУРАЛДЛАА

✍️Мал эмнэлгийн ерөнхий газрын дэргэдэх Мэргэжлийн зөвлөлийн хоёрдугаар хуралдааныг зохион байгуулж байна. Хуралдаанаар дараах асуудлуудыг хэлэлцэж доорхи шийдвэрүүдийг гаргалаа.
✅Малын эктопаразитыг тандах тандалтын үр дүн 2024 он
✅Гельминт эсэргүүцэх эм, бэлдмэлийн дасалтын тандалтын үр дүн 2024 он
✅Эктопаразит болон зонхилох гельминтийн тандалтын төсөл 2025 он
✅Байгаль орчин, уул уурхайгаас шалтгаалсан өвчин, тохиолдож буй малын хорогдлын шалтгааны тандалтын төсөл 2025 он
✅Шимэгчтэх өвчний стратеги төлөвлөгөө боловсруулах, эрсдэлийн үнэлгээ хийх чиг үүрэг бүхий ажлын хэсэг байгуулах тухай
✳️Мэргэжлийн зөвлөлийн хуралдааны шийдвэр
➡️Шимэгчтэх өвчний эмчлэн сэргийлэх арга хэмжээнд хэрэглэгдэж буй эмч бэлдмэлүүдэд үе шаттайгаар лабораторийн болон хээрийн туршилтад оруулж шаардлага хангахгүй байгаа эм, бэлдмэлүүдийг тогтоох, эмийн бодлогын хүрээнд зарим төрлийн эмийн хэрэглээг хязгаарлах.
➡️Байгаль орчин, уул уурхайгаас шалтгаалсан өвчин, тохиолдож буй малын хорогдлын шалтгааны тандалтын 3-4 жилийн хөтөлбөр боловсруулж мэргэжлийн зөвлөлөөр хэлэлцүүлэн батлуулах.
➡️Шимэгчтэх өвчний стратеги төлөвлөгөө боловсруулах, эрсдэлийн үнэлгээ хийх чиг үүрэг бүхий ажлын хэсэг байгуулж Мал эмнэлгийн асуудал хариуцсан төрийн захиргааны байгууллагаар батлуулах.