✅2025 оны 8 дугаар сарын 19–25-ны өдрүүдэд Улсын Мал Эмнэлэг, Ариун Цэврийн Төв Лаборатори (УМЭАЦТЛ) нь Франц улсын CIRAD (Хөдөө аж ахуйн судалгааны олон улсын хамтын ажиллагааны төв)-тай хамтран “InterWater” төслийн хүрээнд Дорноговь, Өмнөговь аймгийн бэлчээрийн бүсэд хээрийн судалгаа зохион байгууллаа.
✅Судалгааны хүрээнд хулан, цагаан зээр, аргаль зэрэг зэрлэг амьтад болон мал ашигладаг уст цэгүүдээс орчин үеийн дэвшилтэт төхөөрөмж ашиглан усны сорьц цуглуулсан бөгөөд метагеномик аргыг шинээр нэвтрүүлэхээр зорьж буй нь онцлог юм.
✅Энэхүү арга нь хөрс, ус, агаар зэрэг байгаль орчинд орших бичил биетнийг генийн түвшинд судалж, мал, амьтны гоц халдварт, зооноз өвчнийг эрт илрүүлэх, оношлогооны чадавхийг нэмэгдүүлэх боломжийг олгох юм.
Метагеномик аргаар зөвхөн бичил биетний төрөл зүйл бус, тэдгээрийн генетик бүтэц, үүргийг тодорхойлох, биоинформатик боловсруулалт хийх боломжтой.
✅Тус аргыг ашигласнаар хил дамжин халдварладаг өвчний эрсдэлийг үнэлэх, Засгийн газрын түвшинд өвчнөөс урьдчилан сэргийлэх, тэмцэх арга хэмжээг шинжлэх ухааны нотолгоонд үндэслэн төлөвлөх суурь бүрдэх юм. Тус судалгааг Франц улсын CIRAD-ийн хүрээлэнгийн судлаачид болон УМЭАЦТЛ-ийн вирус судлагч, биотехнологич нар хамтран гүйцэтгэж байна.
Сэтгэгдэл үлдээх